Publikálta 
Hungaria Esperanto-Asocio aperigis en formo de bitlibro tri pluajn teatraĵojn de Ferenc Molnár (1878-1952).
Unu estas La nekonata knabino: historio de junulino, dancigistino kaj amuzistino en mizera dancamuzejo en la haveno de Fiume. Pro kaprica apero tie de grafo ŝi ricevas ŝancon resaniĝi en elita aŭstria sanatorio, kie ŝi trovas ĉion, kion ŝi sopiris en la vivo: amon, familion, respekton kaj varman etoson. Ĝis la sorto intervenas…
La alia Ludo en la kastelo temas pri dramaturga paro kaj juna komponisto, somerumanta en kastelo ĉe la itala marbordo. Pro la maldikeco de la muro ili aŭdas, kion ili ne volus aŭdi, kaj kio minacas ruinigi la vivon de am-paro. La solvo estas ĉemane: teatra komedio en la komedio de la vivo.
Pri la tria bitlibro, Joĉjo kaj aliaj komedietoj. La aŭtoro estis majstro de amuza rakontado, tamen malantaŭ la distra formo kaŝiĝas ĉiufoje serioza socia kritiko, kiun li ofte esprimas per satiraj rimedoj. Liaj verkoj aperis en multaj lingvoj, liaj teatraĵoj estis plurlande surscenigitaj, ankaŭ filmitaj. Joĉjo kaj aliaj komedietoj estas serio de mallongaj scenoj pri diversaj malfortoj, trompoj, hipokriteco el la ĉiutaga vivo, ekviditaj per akraj okuloj kaj esprimitaj en ridiga, satira tono.
La e-libroj elŝuteblas senpage ĉe:
https://libro.ee/book.php?id=3925
https://libro.ee/book.php?id=3949
https://verkoj.com/tradukistoj/jozefo-horvath/jocxjo_kpl.pdf
