Mondo-kuirarto: Kokido kun maizo

Kokido kun maizo (Kostariko)
(Cacerola de pollo y eloté)

Produktoj:
3 ovoj, batmiksitaj
1 ladskatolo da maizo
100 ĝis 120g da raspita fromaĝo
1 kuirita kokido, senostigita, erigita
2 ĝis 3 kuiritaj karotoj, kubigitaj
250 g da kuiritaj verdaj fazeoloj, hakitaj (aŭ konservitaj)
250 g da kuiritaj verdaj pizetoj (aŭ konservitaj)
2 kafkuleroj da salo
200 ml da buljono
1 verda kapsiko, tranĉita en striojn
20 g da sekvinberoj
20 g da butero

En plado intermiksu la maizon kun la fromaĝo kaj la ovoj. En alia plado interiksu la kokidaĵon kun la legomoj, la supo kaj la sekvinberoj. En buterumitan fajrorezistan pladon metu tavolon da maiza miksaĵo, poste tavolon da kokidaĵa miksaĵo, metu sur la supron la verdan kapsikon, kaj priverŝu per fandita butero. En varma bakformo je plej malalta varmeco stufu dum 20 ĝis 30 minutoj. Surtabligu varme.

Pri la receptoj >>

Kovrilbildo de kiwilimon.com